ANA SƏHİFƏ » HAQQIMIZDA
HAQQIMIZDA

Fəaliyyət göstərdiyi dövr ərzində firmamız böyüyür, inkişaf edir və tək bazar seqmenti kimi deyil, həm də bütöv kollektiv kimi daha yaxşı olmağa çalışır.

1993-cü ildə yaranmış fabrikimizi cəsarətlə ağac istehsalı ilə məşğul olan Azərbaycan fabriklərinin lideri adlandırmaq olar.

Firmanın adını “Avropa Qapıları” adlandırmağımız da təsadüfi deyil. Fabrikimiz istehsalatda Avropa texnilogiyasından və avadanlığından istifadə edir. Məhsullarımızın istehsalında rəqəmsal idarə proqramıyla işləyən yüksək keyfiyyətli cihazlardan istifadə olunur ki, bu da məhsulun keyfiyyətini artırır, onu Avropa və dünya standartlarına uyğunlaşdırır.

Mövcud razılaşmalar əsasında fabrikimiz xammal istehsal və komplektləşdirmə üçün tələb olunan məhsulları, lak-boya materiallarını, həmçinin aksessuarları İtaliya, Türkiyə, İran, Rusiya, Gürcüstan kimi xarici dövlətlərin şirkətlərindən alır. Bu isə məhsullarımızın çeşidini hər il artırmağa və müştərilərimizə çoxsaylı qapı, pəncərə, ev, ofis və bağö evləri üçün quraşdırılmış mebellər, yerli və xarici materiallardan, ekoloji təmiz plastik və dəmir məhsullar təqdim etmək imkanı verir.

Zaman ötür və dəyişir, və bu gün ustalarımızın ölkəmizdə hazırladıqları məhsullar keyfiyyətinə görə heç də xarici analoqlarından geri qalmır. Xarici avadanlıqlarla hazırlanaraq müştəriyə xeyli sərfəli qiymətə təklif olunur. Odur ki, bu gün biz məhz yerli istehsalçılara üstünlük veririk.

Hazırda fabrikimizdə 200-dən artıq usta və fəhlə çalışır. Montaj işləri, o cümlədən çərçivələrin, haşiyələrin, furniturun quraşdırılması montajçılar tərəfindən pulsuz həyata keçirilir. Hazırda fabrikimizdə 80-ə yaxın quraşdırıcı-montajçı çalışır.

Mütəxəssislərimiz müştərilərimizin bütün istəklərinə xüsusi diqqətlə yanaşır və ən incə tələbləri də yerinə yetirməyə çalışırlar. Sakit klassik formaya üstünlük verəcəksiniz, yoxsa hər hansı yeni ideya təklif edəcəksiniz, ya da bizim təklif etdiyimiz yüzlərlə rahat, zərifliyi və qeyri-adiliyi ilə fərqlənən dizaynları seçəcəksiniz – hər şey Sizdən asılıdır. Bunun üçün fabrikimizdə 30-a yaxın menecer, dizayner və texnoloq-mühəndislər fəaliyyət göstərir.

Bu gün  “Avropa Qapıları” müştərilərinə çoxsaylı qapı, pəncərə, ev, ofis və bağ evləri üçün quraşdırılmış mebellər, yerli və xarici materiallardan, ekoloji təmiz plastik və dəmir məhsullar təqdim edir.